صينية كرات البطاطس بالبشمل

صباحكم ,, قطعة فرح ممزوجه بكآس أمل دافئ ,, ليوم أجمل بإذن ربي ,,

أول مشاركه لي متواضعه ,, بمطبخ تعب قلبي ,, أتمنى تكون على قدر المستوى المطلوب كمتابعه

لكم ومستفيده ,,,

كرات البطاطس بصلصة الباشميل واللحم المفروم ,, والصينيه هذي عشقي

أول شئ رآح نقشر البطاطس ونسلقه في مويه وشوية ملح ,, ونتركها لحد ماتستوي بهالطريقه

[IMG]

[/IMG]

بعدين نشتغل باللحم المفروم نحط بالقدر بصل مفروم وثوم وشوية زيت ونحمسه لحد مايذبل البصل بعدين نحط اللحم المفروم ونقلبه نحط له ماجي وملح والبهارات اللي تحبين والطماطم والصلصه

ونتركه لحد مايتسبك وقبل مانطفي عليه نضيف الفلفل الرومي مقطع قطع صغيره والبقدونس المفروم ...

وهذا شكله بعد ماخلصت منه ...

[IMG]

[/IMG]

بعد كذا نفرده في الصينيه اللي بتدخل الفرن سيده ويفضل صينيه بايركس نمد اللحم المفروم بالصينيه ونخليه على جنب

..بعد كذا نرجع للبطاطس ولما ينضج نهرسه ونحط له الفلفل والملح والبقدونس المفروم والكزبره والبيضه عشان يتماسك وهذا شكله ..

.
[IMG]

[/IMG]

بعدين نكور البطاطس المهروس ونصفه فوق اللحم المفروم بطريقه عشوائيه وإذا رايقه عادي يعني أفعدي هندسي على كيفك .... وبعد كذا رشي عليه جبنة موزريللا على حسب رغبتك

وهذا شكلها ...

[IMG]

[/IMG]

بعدين نجي للباشميل أنا إستخدمت الجاهزه بس أضفت لها الحليب البارد وحطيتها على النار لحد ما صارت ثقيله بإمكانك تسوين الباشميل بالطريقه المعتاد عليها أو تستخدمين هذي المتوفر عندك كله ينفع

[IMG]

[/IMG]

لما تجهزها نصبها فوق كرات البطاطس واللحم ... ونزينها بالفلفل الأسود بإمكانك تزيين الوجه بجبنة موزريللا أو الفلفل الاسود او السماق اللي تفضلينه او حتى البقدونس المفروم

بعدين ندخلها الفرن تتحمر من فوق بس وتاخذ لون حلو والمعذره نسيت أصور هالخطوه على طووول حطيت منها بالصحن ومعاها على جنب مخلل مشكل وبالعافيه على قلوبكم وهذا الصحن

والسموحه منكم ,, على القصور ,,

» أسهل صينية شورما
» كرات التونه بالصور
» كرات البندق بالشكولاته
» كرات ابطاطس محشوه بالجبن
» سلطة البطاطس الاحمر بالزعتر