اقسام الطلاب ايام الاختبارات^_^

تاريخ التسجيل : 12/12/2011 العمر : 36

تسيف الحال

بمناسبة كثرة الأختبارات والي كل يوم معلــمـ/ـه طالعــ/ـه بإختبار جديد ورأفة مني بحال الطلاب المساكين قلت أنزل هالموضوع ..

هذا موضوع مهم ولازم يواجهنا اربع مرات في السنه

الواحد لازم يلعب بخطه ناجحه مثل 4-4-2 تكون هجوميه مايلعب دفاعيه <========

طبعا قبل الإختبارات الناس ينقسمون الى ثلاث اقسام :

القسم الاول / هذا القسم ويضم الفئه الممتازه (الدوافير) <=== للناطقين بالعاميه خخخ

هذولا الله يسلمكم قبل الاختبار بشهر تجيه عدة أعراض نذكر بعضا منها:
1- حالات اغماء

2- مغص

3- ما يشتهي شي

4- ما يطلع من الغرفه

5- مافيه الا كوب شاهي رايح وكوب قهوه جاي

6- طبعا الجوال مقفول عشان مايدق عليه احد يقوله بالله الدفتر حقك كامل <==== حركات قديمه يسرقه ولا عاد يرجعه

طبعا هالقسم راح تعرفه من شكل كتابه تلقاه متقطع وعليه اثار شاهي وقهوه اللي يشوفه يقول قالبه صينية اكل <====== هذا تفكيراللي رايحين في خرايطها

الله يفكنا من شر هالقسم <<<

القسم الثاني / اللي مايذاكرون إلا في ليلة الإختبار (رايح في خرايطها بس يبي ينجح) :

هذولا ناسرايحين في خرايطها بس فيهم امل
يعني ايام الاختبارات يشد حيله شوي
بس اذا دق عليه خويه قاله وش تسوي يرمي الكتاب يقول فاضي يقول امرك يقول تعال ماعنده مانع يبي يفتك من البيت ..

هذا يوم الاختبار ماتجيه الا حاله وحده يقفل جوووه ويقعد ياللعن ويسب يقول ليتني مذاكر بدري وليتني ماطلعت مع فلان وعلان بس اذا فات الفوت ماينفع الصوت <===== والله يطلع مني درر ترى <<< اقول طسي

هذا القسم تعرفه من كتبه تشوفه جايب الكتب معه ولا يدري وش فيها بس يكتب فيها ويشخبط يجلس يطلع مواهبه الشعريه على الكتاب << يذكرني بأحد

القسم الثالث / وهو محور الحديث وهو القسم اللي مايذاكرون من المجتمع ويرددون هذا الشعار ( أنجح أنجح ما أنجح بكيفه) <=== يعجبني هالشعار

هذا القسم هو سبب المشاكل في المجتمعات

طبعا هالقسم مايدري الاختبارات جت ولا لا يحسبه يوم عادي <<<<<<

وهذا تعرفه من الشكل

تشوفه جاي مايدري هو جاي المدرسه ولا جاي قهوه

مامعه ولا كتاب

وجاي يسحب رجوله واخلاقه زفت لو يكلمه واحد تهاوش معه

مثل ماشرحت لكم هذا قبل الاختبار تعالوا نشوف بعد الاختبارات وش يصير

بعد الاختبار :

الدوافير / يطلعون من الاختبار وهو قافله اخلاقه

وراسه مصدع وحالته يرثى لها

اذا سأله واحد كيف الاختبار يقول ياخي بغيت اغلط في سؤال بس اشوى انتبهت له <== بالله عليك ==

القسم الثاني / يطلع من الاختبار وهو مبسووووط تساله هاه كيف الاختبار يقولك ميه الميه انشا الله درجه كامله <==== يصير خير

القسم الثالث / يطلع من الاختبار متلطم تساله كيف الاختبار يقولك مادري بس بروح انام كنت مواصل<== طبعا كان يهجول او جالس يشوف ستار اكاديمي << ياكرهي لها البرنامج

=======

اذا طلعت النتيجه تعالوا شوفوا اللي صاير

الدوافير تلقى بعضهم يصيح وبعضهم يضحك اللي يصيح ضاعت عليه درجه والمبسوط يقول اشوى

القسم الثاني / تلقى الناجح مبسوط واللي سقط يقول ليتني ماطلعت هذاك اليوم يعني بيحفر يذاكر دور ثاني

الثالث / مثل ماجت مثل ماراحت يقول ايه دور ثاني كالعاده ونسبة النجاح عندهم 20 % هذا اللي حظهم يفلق الصخر تلقاه يكتب من راسه او احد يغششه ويالله نجح

ههههههههههههههههههههه
يسسسسسلمووو بس انتي قولي لنا انتي اي قسم لما كنتي تدرسين هههههههههههه

تاريخ التسجيل : 12/01/2012 العمر : 26

ههههههه صراحه انا بين القسم الثاني والثالث يعني لسه في امل

تاريخ التسجيل : 12/12/2011 العمر : 36

كنت بين القسم الاول والتاني

ههههههههههههه

مشكووورات ياا امورات ع مروركم الرائع

تاريخ التسجيل : 03/01/2012 العمر : 30

ههههه والله اانك صادقه

تاريخ التسجيل : 12/12/2011 العمر : 36

قلبي عن غيره تسكرر

مشكووره عزيزتي ع مرورك الطيب

» تعالوا شوفوا اجوبة الشباب ايام الاختبارات
» اقسام القلوب
» اغنية الاختبارات
» أدعيه لتسهيل الاختبارات بأذن الله